Sulinngiffeqarnerup sivitsornera

Sulinngiffeqarnerup sivitsornera 

Erninermut atatillugu sulinngiffeqarneq tassaavoq piffissaq, meeqqap inunngorneranut atatillugu angajoqqaanngortut imaluunniit meeravissiartaartut meeqqamik paarsinissamut suliffimminnit sulinngiffeqarallarsinnaanermut pisinnaatitaaffeqarfigisaat. Pisut ilaanni piffissaq taanna sivitsorneqarsinnaavoq. Assersuutigalugu tamanna atuutissaaq

  • piffissami sulinngiffeqarfiusup nalaani meeraq napparsimmavimmut unitsinneqarpat
  • erninerup kingorna nalinginnaasumik uninngatinneqareernermi meeraq angerlartinneqarsimanngippat


Piffissami sulinngiffeqarnerup nalaani napparsimmavimmut unitsinneqarneq
Piffissami sulinngiffeqarfigisinnaasatut pisinnaatitaaffigisavit nalaani meeqqat napparsimmavimmut unitsinneqarpat, piffissap uninngaffiusup sivisoqataanik piffissaq sulinngiffeqarfigisassat sivitsorneqassaaq. Piffissarli sulinngiffeqarfigisinnaasaq sivisunerpaamik sapaatit akunnerinik 13-inik sivitsorneqarsinnaavoq.

Erninerup kingorna sapaatit akunneri siulliit 15-it ingerlaneranni ataataasup sapaatit akunnerini pingasuni sulinngiffeqarnissamut pisinnaatitaaffia sivitsorneqarsinnaanngilaq. Aamma meeraq napparsimmavimmut unitsinneqaraluarpalluunniit.


Erninerup kingorna angerlarnissap kinguartinnera
Nakorsap naliliinera patsisaalluni, erninerup kingorna nalinginnaasumik piffissap uninngaviusartup qaangiunnerani meeqqat angerlarsinnaanngippat, piffissamik meeqqap uninngaviata sivisoqataanik piffissaq sulinngiffeqarfigisassat ilaneqassaaq.

Meeqqavit uninnganerata malitsigisaanik sulinngiffeqarnerit unitsissagaluarukku, meeqqap angerlartinneqarnerata kinguninngua, piffissaq sulinngiffeqarfissaq sinneruttoq ingerlateqqilersinnaavat. Tassa ima paasillugu, nalinginnaasumik uninngavissap kingorna meeqqat angerlartinneqanngimmat, sulileqqikkuit assigisaanilluunniit iliorlutit, sulinngiffeqarnerit unitsinneqanngitsutut isigineqassaaq.

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl