Kommunip najukkami tusagassiorfinnut ingerlatsinermut tapiissutai – Nalinginnaasumik paasissutissiineq qinnuteqarnerlu

Kommunip najukkami tusagassiorfinnut ingerlatsinermut tapiissutai – Nalinginnaasumik paasissutissiineq qinnuteqarnerlu 

  • Qaasuitsup Kommunia

    Najukkami tusagassiorfittut ingerlatsinermut tapiissutinik qinnuteqarniarussi, allaganngukkamik qinnuteqaateqassaasi. Qinnuteqaammut ilanngullugit nassiutissavasi:
    • Naatsorsuutit kukkunersiukkat
    • Missingersuutit
    • Ataatsimeersuarnermit kingullermit imaqarniliaq aamma naatsorsuutit akuerisat
    • Peqatigiiffiup malittarisassai

    Qinnuteqaat ilanngussanik ilaqartoq nassiutissavarsi tunniulluguluunniit uunga:

    Kultureqarnermut, Ilinniartitaanermut Sunngiffimmullu ingerlatsivik
    Postboks 1023
    3952 Ilulissat

Najugaqarfigisami radio-qarfiit tv-eqarfiillu inunnik akuunerulersitsisarnerat aamma kulturikkut naleqarnerat pissutigalugu atajuarnissaat kommunit soqutigisaraat. Taamaammat najukkami tusagassiorfiit ingerlanneqarnerannut tapiissutinik kommunit ilaat tunniussisarput. Kommunit siunertamut aningaasanik immikkoortitsisimasut, ingerlatsinermut tapiisarput assersuutigalugu

  • Najukkami atuagassiamut
  • Najukkami radio-qarfimmut
  • Najukkami tv-eqarfimmut


Tusagassiorfittut suliffeqarfiit nalinginnaasumik taamaallaat tapiissutisisinnaapput makkununnga:

  • Inimut attartornermi akiligassanut
  • Innaallagissamut, imermut kiassarnermullu


Kommunimi suliassamut ataatsimiititaliaq tassaavoq tusagassiorfiit ataasiakkaat tapiissutisinissaannik aammalu tapiissutisissagaluarunik qanoq annertutigisumik pisinnaanissaannik aalajangiisartoq.


Qinnuteqarnermut piffissaliussap killinga
Kommunalbestyrelse-p november-imi ataatsimiinnerani ukiumut tulliuttumut missingersuutit suliarinerannut atatillugu qinnuteqaat suliarineqartarpoq. Tamatuma kingunerisarpaa:

  • Ingerlatsinermut tapiissutinik qinnuteqarsinnaanersi taamaallaat ukiumut ataasiartumik pisinnaasoq
  • November-i nallertinnagu qinnuteqassasusi
  • Kommunip aningaasaqarnikkut piginnaasaqassusaa aallaavigalugu tapiissutit aalajangersarneqartarput


Aningaasaliissutit aamma utertitsilluni akiliuteqarneq
Ingerlatsinermut tapiiffigineqarnissamik qinnuteqarsimagussi atugassinneqarlusilu, suliamut ataatsimiititaliap isumaqatigiissut suliarissavaa, tassani nassuiarneqassaaq tapiissutinik piffissap qanoq ilinerani pissarsissanersusi.

Aningaasat atugassiissutigineqartut atorsimanngikkussigit, aningaasat sinneruttut kommunimut utertissavasi.


Malugiuk
Tusagassiorfiit nuna tamakkerlugu ingerlatsisut najukkami tusagassiorfinnut aningaasat immikkoortitanit tapiissutisisinnaanngillat.

Ilinniartitaanermut, Kultureqarnermut Ilisimatusarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikiin@nanoq.gl
Nittartagaq: www.naalakkersuisut.gl