Kulturimut tunngasunik suliaqarnermi tapiissutinik qinnuteqarit

Kulturimut tunngasunik suliaqarnermi tapiissutinik qinnuteqarit 

Eqqumiitsuliortut suliaminnik ingerlatsiinnarnissaminnut atatillugu aningaasaqarnikkut atugassaminnik pissarsiniarnertik ajornartorsiutigikkajussinnaavaat. Kalaallit Nunaanni kulturikkut suliaqarneq Namminersorlutik Oqartussat tapiiffigineqartassasoq kissaatigimmassuk, eqqumiitsuliortut taamaalillutik kulturikkut tunngasunik suliaqarnerminnut atatillugu Namminersorlutik Oqartussanut tapiissutinik qinnuteqarsinnaapput taamaaliornikkullu eqqumiitsuliortup qaammammut aalajangersimasunik isertitaqarnissaa qulakkeerneqartarpoq.

Tapiissutit ukioq ataaseq angullugu sivisussusilimmik agguaanneqartarput, tapiissutillu qaammammut 22.000 kr.-inik annertussuseqartut tunniunneqartarput.

Qinnuteqartumut piumasaqaatit
Kulturimut tunngasunik suliaqartunut tapiissutit, eqqumiitsuliortutut inuuniuteqartunut, suliaqartunut aamma ineriartortitsisunut Kalaallit Nunaanni aalajangersimasumik najugaqartunut tunniunneqartarput, taakku makkuninnga suliaqarsinnaapput:
  • assinik qalipaasartut
  • atuakkiortut
  • isiginnaartitsisartut
  • nipilersortartut (taalliortut erinniortut)
  • film-iliortartut
  • assassorlutik eqqumiitsuliortartut
  • eqqumiitsulianik ilusilersuisartut

Qinnuteqarneq
Kulturimut tunngasunik suliaqartunut tapiissutit qinnuteqaatiginiarukkit, qinnuteqarnermi immersugassaq immersussavat. 

Kulturimik sulialinnut aningaasaliissutit - qinnuteqarfissaq

Ilanngussassat suut qinnuteqaammut ilanngutissaneritit qinnuqaatitut immersugassami takusinnaavatit.

Qinnuteqaat ilanngussanik ilaqartoq Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfimmut nassiutissavat. Qinnuteqaat e-mail-ikkut imaluunniit allakkatigut nassiussinnaavat. E-mail: ikiin@nanoq.gl

Qinnuteqaat fax atorlugu nassiussisinnaanngilatit.

Qinnuteqarnissamut piffissat killiliussat tassaapput 1. februar, 1. maj aamma 1. september.

Qinnuteqaativit inaarlugu suliarineqarnissaata tungaanut sivikinnerpaamik sapaatit akunneri 8-it ingerlassasut naatsorsuutigissavat. Taamaammat aningaasat atornissaat sioqqullugu apeqqutigisinnaasavit qulaajaaffigisimanissaat isumagisariaqarpat piffissaalluarallartillugulu tapiiffigineqarnissamik qinnuteqarlutit.

Malugiuk
Qinnuteqarnermi piffissaliussaq kingulleq eqquutsinngikkukku imaluunniit ilanngussassat pisariaqartut ilanngussimanngikkukkit, nalinginnaasumik itigartinneqassaatit.

Tapiissutitut atugassiissutigineqartut pillugit naatsorsuutit tunniunnissaat pisussaaffigaat. Aningaasat utertillugit tunniutissavatit, imaattoqarpat:
  • Sinneqartooruteqaruit
  • Eqqumiitsuliortutut suliaqarninnik ingerlatsininnut aningaasat atunngikkukkit

Allaaserisat attuumassutillit

Ilinniartitaanermut, Kultureqarnermut Ilisimatusarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikiin@nanoq.gl
Nittartagaq: www.naalakkersuisut.gl