Namminersorlutik Oqartussat kultureqarnermut aningaasaliissutaat – Qinnuteqarneq

Namminersorlutik Oqartussat kultureqarnermut aningaasaliissutaat – Qinnuteqarneq 

Eqqumiitsuliortut eqqumiitsuliaminnik pilersitsinissamut aningaasaqarnikkut atugassanik pissarsiniarnertik ajornartorsiutigikkajussinnaavaat. Kalaallit Nunaanni kulturimut tunngasunik suliaqartarneq Namminersorlutik Oqartussat tapersersorneqassasoq kissaatigimmassuk, tamanna pillugu eqqumiitsuliortut suliaminnik suliniutiminnillu ingerlatsinissamut Namminersorlutik Oqartussat kultureqarnermut aningaasaliissutaannit tapiiffigineqarnissamik qinnuteqarnissamut periarfissaqarput.

Tapiissutinik makkununnga pissarsisoqarsinnaanngilaq:
  • Amigartoorutit matussusernissaannut imaluunniit sulianut qinnuteqarfissatut killiliussaq sioqqullugu aallartinneqarsimasunut
  • Pisiniarnermut, assersuutigalugu sannatinut, atortunut, pigisanut, nipilersuutinut, qarasaasianut aamma qarasaasiat atortuinut
  • Nutarterinermut imaluunniit nutaamik sananermut

Qinnuteqartumut piumasaqaatit
Namminersorlutik Oqartussat kultureqarnermut aningaasaliissutaat qinnuteqaatigineqarsinnaapput makkuninngaanniit:
  • Inunnit ataasiakkaanit
  • Suliniaqatigiiffinnit
  • Inunnit eqimattakkaanit
  • Suliffeqarfinnit

Kultureqarnermut aningaasaliissutit pingaarnertut eqqumiitsuliortutut inuuniutilinnut, suliaqartunut aamma ineriartortitsisunut Kalaallit Nunaanni aalajangersimasumik najugaqartunut tunniunneqartarput. Tassunga atatillugu eqqumiitsuliortutut inuuniutilik tassaavoq eqqumiitsuliortoq, eqqumiitsulioriaatsimi iluani ilinniagaqarsimasoq imaluunniit annertuumik misilittagaqarluartoq.

Suliniutinut allanut qaffasissumik eqqumiitsuliornikkut inissisimasunut aningaasaliissutit aamma tunniunneqarsinnaasarput.

Qinnuteqaatinut atatillugu Naalakkersuisut kulturimut aningaasaataanut atatillugu sullissinermik allannguineq
Septembarip 1-aniit 2016 kultureqarnermut aningaasanut qinnuteqaatit aammalu ilanngussatut nassiussat, killissarititaasoq qaangerlugu nassiunneqarsimasut, qinnuteqaammut atatillugit suliarineqartarunnaarput.

Tassa imatut paasineqassaaq qinnuteqarnermut killissarititaasoq qaangiunnerani piumasaqaataasut naammassisimanngikkaanni, tapiissutisinissaq naatsorsuutigineqarsinnaanngilaq. Taamaammat pingaaruteqarpoq qulakkiissallugu piumasaqaatit tamaasa naammassisimanissaat, qinnuteqaat nassiutsinnagu.

Qinnuteqarniarlutit piumasaqaataasunut apeqqutissaqaruit, saaffigisinnaavatsigut uunga Ilinniartitaanermut, Kultureqarnermut, Ilisimatusarnermut aammalu Ilageeqarnermut Naalakkersuisoqarfik telefon: (+299) 34 50 00 imaluunniit e-mail: ikiin@nanoq.gl

Qinnuteqarneq
Namminersorlutik Oqartussat kultureqarnermut aningaasaliissutaannit tapiiffigineqarnissaq qinnuteqaatiginiarukku, qinnuteqarnermi immersugassaq immersussavat.

Kultureqarnermut aningaasanut qinnuteqarfissaq (word dokument)
Kultureqarnermut aningaasanut qinnuteqarfissaq (pdf-fil dokument)

Qinnuteqaammut aningaasanut missingersuusiaq immersugassaq (excel dokument)
Qinnuteqaammut aningaasanut missingersuusiaq immersugassaq (pdf-fil dokument)

Qinnuteqaammut ilanngussassat suut ilanngutissaneritit, qinnuteqaatitut immersugassami atuarsinnaavatit.

Qinnuteqaatit ilanngussanik ilaqartoq Ilinniartitaanermut, Kultureqarnermut, ilisimatusarnermut, Ilageeqarnermullu Naalakkersuisoqarfimmut nassiutissavat.

Qinnuteqaat fax atorlugu nassiussinnaanngilat.

Qinnuteqarnissamut killiliussat tassaapput 1. februar (aningaasaliissutaasut 50%-ia tungaanut), 1. maj (aningaasaliissutaasut 15%-ia tungaanut) aamma 1. September (aningaasaliissutaasut 35%-ia tungaanut).
Qinnuteqarfissamik killiliussap siuliani aningaasaq atorneqarsimanngitsoq, tullianut nuunneqassaaq ukioq pineqartup iluani.

Qinnuteqaativit inaarlugu suliarineqarnissaa sivikinnerpaamik sapaatit akunnerinik arfineq-pingasunik (8) sivisussuseqarnissaa naatsorsuutigissavat. Taamaammat aningaasat atornissaat sioqqullugu apeqqutigisinnaasavit qulaajaaffigisimanissaat isumagisariaqarpat piffissaalluarallartillugulu tapiiffigineqarnissamik qinnuteqarlutit.

Malugiuk
Qinnuteqarnermi piffissaliussaq kingulleq eqquutsinngikkukku imaluunniit ilanngussassat pisariaqartut ilanngussimanngikkukkit, nalinginnaasumik itigartinneqassaatit.

Tapiissutitut atugassiissutigineqartut pillugit naatsorsuutit tunniunnissaat pisussaaffigaat. Aningaasat utertillugit tunniutissavatit, imaattoqarpat:
  • Sinneqartooruteqaruit
  • Suliniarneq ingerlanneqanngippat

Nalinginnaasumik kulturikkut suliaqarnermut tips- aamma lotto-mit aningaasaniit atugassiissutaasuniit C-niit tapiissuteqarfigineqarnissaq qinnuteqaatigisinnaavat. Tamanna pillugu allaaserisani attuumassuteqartuni annertunerusumik atuarsinnaavatit.

Allaaserisat attuumassutillit

Ilinniartitaanermut, Kultureqarnermut Ilisimatusarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikiin@nanoq.gl
Nittartagaq: www.naalakkersuisut.gl