Nunani tamalaani suliniutinut tapiissutit

Nalinginnaasumik paasissutissiineq 

Aningaasat immikkoortitat Nunanut Allanut Pisortaqarfimmit aqunneqarput siunertaralugu Kalaallit Nunaanni nunanilu tamalaani kattuffiit, ataatsimoorussallit, suliffeqarfiit assigiinngitsut inuilluunniit ataasiakkaat tapersersussallugit suliniutinik, suleqatigiissutigineqarsinnaasunik ineriartortitserusuttut imaluunniit allanut atatillugu peqataarusuttut Naalakkersuisut nunanut allanut tunngasutigut naalakkersuinikkut pingaarnersiuinerinut pingaarutilinnut.

Piumasaqaatit 

Suliniut tapiiffigineqarnissamut qinnuteqarfigisat naammassippat Nunanut Allanut Pisortaqarfimmut nalunaarusiussaatit. Nalunaarummi allassimassapput naatsorsuutit inaarsariikkat suliniummilu angusavit nassuiarnera. Nunanut Allanut Pisortaqarfimmut ilanngullugit nassiutissavatit suliniummut atatillugu akilikkannut uppernarsaatit, akiligassat allagartaat il.il.

Qinnuteqarneq 

Tapiiffigineqarnissamut qinnuteqaatigisinnaavatit:
  • Angalanernut imaluunniit pikkorissarnernut, isumasioqatigiinnernut, nuisitsinernut, ataatsimiinnernut, suliniutinut il.il.
  • Nunani tamalaani pisoqartitsineq Kalaallit Nunaanni
  • Tusagassiornermik sulianut

Nalinginnaasumik qinnuteqaatit Kalaallit Nunaata nunani tamalaani inissisimaneranut attuumassuteqassaaq.

Qinnuteqaatinni allaaserissavatit:

Malugiuk
Ilinniagaqarnermut tunngatillugu suliniutinut qinnuteqartut minnerpaamik kandidatitut qaffasissusilimmiissapput.

Nunanut Allanut Pisortaqarfik erseqqissumik naliliinerit tunngavigalugit qinnuteqartunut, taamatullu aningaasanut inatsimmi pineqartumut tapiissuteqartoqareersimappat itigartitsisinnaanissamut imminut piginnaatippoq, taamaaliornikkut aningaasat sapinngisamik annertunerpaamik tamatigoortumik atorneqarnissaat isumannaarniarlugu.

Nunanut Allanut Pisortaqarfik qinnutigineqartunit ikinnerusunik aningaasaliisinnaanissamut imminut aamma piginnaatippoq.

Piffissaliussaq 

Nunanut Allanut Pisortaqarfik qinnuteqaatinik ingerlaavartumik tigooraavoq, tapiissuteqartoqarsinnaavorlu aningaasaliissutinik atugassaqartillugu.
Nunanut Allanut Pisortaqarfik
Postboks 1340
3900 Nuuk

Oqarasuaat.: +299 34 50 00
E-mail: nap@nanoq.gl