Akitsuut Moms – Nalinginnaasumik paasissutissiineq

Akitsuut Moms – Nalinginnaasumik paasissutissiineq 

Nunat naalagaaffiilluunniit tamarmik pisiassanik akitsuusiinissaminnut inatsiseqarput. Akitsuutit tamakku taaneqartarput Toqqaannanngitsumik Akileraarutinik. Danmark-imi akitsuut taamaattoq taaneqartarpoq MOMS, isumaqarluni Tunisaqarnerunermi Akitsuut.

Nunat naalagaaffiilluunniit namminneq aalajangertarpaat akitsuut qanoq annertutigissanersoq. Akitsuut MOMS pisiat akiinut ilanngullugu akitsuusiunneqartarpoq. Danmark-imi Akitsuut MOMS pisiat akiisa 25 %-eraa.

Pisiassat tassaapput: 

  • Pisiassat tigussaasut suulluunniit, soorlu atisat, atortussallu allat
  • Kiffartuussinerit, soorlu kigutit nakorsaannit, ilinniartitsinermit, suliaritinnermillu akitsuusigassat


Malugiuk
Nunarsuarmi kisiartangajaalluni Kalaallit Nunaat MOMS-imik akitsuuteqartitsinngilaq. Tassa imaappoq Kalaallit Nunaanni najugallit Kalaallit Nunaanni pisinerminni – kingornalu nammineerluni eqqunneranni nassiunneraniluunniit - Akitsuut MOMS akiligartik utertissinnaavaat. Taaneqartarpoq MOMS-imik utertitsineq.

Kalaallit Nunaata avataani, soorlu akunnittarfimmiissimanerit, aasarsiortarfinnik biilinilluunniit attartornermi, nuannaariartarfinnulluunniit isissutissanik pisinermi akilikkat utertinneqarsinnaangillat.

Maluginiassavat pisisup tunisisullu akornini moms-imik utertoorneq taamaallaat isumaqatigiissutigineqarsinnaammat. Kalaallit Nunaanni nakkutilliisuutitat taamaallaat pisiat eqqunneqartut nakkutigissavaat.

Allaaserisat attuumassutillit

Akileraartarnermut Aqutsisoqarfik - Ilulissat
Kussangajaannguaq 44
Postboks 1022
3952 Ilulissat

Oqarasuaat: 34 60 00
Fax: 94 21 77
E-mail: tax@nanoq.gl

Ammasarfii:
Ataasinngorneq: 10.00 - 15.00
Marlunngorneq: 10.00 - 15.00
Pingasunngorneq: MATOQQAVOQ
Sisamanngorneq: 10.00 - 17.00
Tallimanngorneq: 10.00 - 15.00