Kullorsuarmut Miljøarbejderissarsiorneq

Qaasuitsup Kommuniani immikkoortortaqarfimmi Kullorsuarmi miljøarbejder-itut atorfik inuttassarsiuunneqarpoq 1. marts 2017 imaluunniit isumaqatigiissuteqarnikkut sulilersussamik.
Qinnuteqarfissaq:
27. februar 2017
Sumi:
Kullorsuaq
Akissarsiat:
Isumaqatigiissut malillugu

Qaasuitsup kommunia Kullorsuarmi Miljøarbejderissarsiorpoq 

Miljøarbejder-itut atorfik Kullorsuarmi meeqqat inuusuttut ilaqutariillu akornanni pitsaaliuinermik suliaqartussaavoq. Qaninnertut pisortarissavat Upernavimmi Inunnik Isumaginnittoqarfimmi aqutsisoq.

Miljøarbejder-it pinaveersaartitsinermi siunnersorti aammalu ilaqutariinnut siunnersuisartoq qanimut suleqatigilluinnarlugit ingerlasarput, suleqatigiillu taakku akunnerminni ilusiliinissartik aaqqissuuttarpaat.

Inuk atorfinitsitassarput namminersorluni sulisinnaassaaq, tatiginartuulluni, attaveqaqatigiinnermut pikkorissalluni kiisalu suliffimmut aalajaatsussalluni tarnimigullu patajaalluni. 

Miljøarbejder-itut ilaatigut makku suliassarissavatit 

  • Pinaveersaartitsinermut ataatsimiititaliap suliassatut innersuussutai ilaqutariit illuanni sulisut  avatangiisinillu sullissisup akornanni meeqqat ingersimasullu atugarsiortut pillugit isumaqatigiissutaasut suliarisassavai
  • Tapersersuinerup pitsaasuunissaanik akisussaasuuneq, meeqqat ukiuinut naapertuuttumik, kommunimi anguniakkat pinaveersaatitsinermilu anguniakkat naapertorlugit tamanna pissaaq
  • Meeqqat ingersimasulluunniit ataasiakkaat inissisimaneri pisariaqartitaalu naapertorlugit iliuuseqarsinnaassaaq, aamma paasissutissat malinnaanerillu pinaveersaartitsinermut siunnersortimut ilaqutariillu illuanni sulisunut ingerlateqqittassallugit
  • Sutigut tamatigut ineriartorneq, avataangiisinik sullissinerup  pitsanngorsarneqarnera, pinaveersaatitsinerit allat meeqqanik ilaqutariinnillu sullissinerit allat aamma peqataaffigissavai
  • Ataatsimiinnerni peqataaneq, aamma pinarveersaatitsinermik suliaqarnermi sutigut tamatigut ajornartorsiutaasinnaasut assigiinngitsut, sullivimmi avatangiisit tarnikkullu atukkat aallaavigalugit eqqartorneqartartut ilanngullugit, paasissutissanik tigooqqaaneq tunniussinerlu
  • Qaammatikkaartumik suliat pillugit allakkiortassaaq, pinaveersaartitsinermut siunnersortimut tunniuttagassaminik, ilaqutariillu illuanni sulisut allat ilisimatittassavai iqaaseqaatiminik tamanik, ernumassutigisaminik kiisalu sulinermini naapertuutinngitsutut isigisaminik tamanik
  • Pinaveersaatitsinermik suliaqarfiup pikkorissarnissamik allatullu ilinniarnissamik neqeroorutai aqqutigalugit piginnaasaminik pitsanngorsaanissani isumagisassavaa

Miljøarbejderitut naattorsuutigissavaa nikerartumik sulisarnissat, tassani apeqqutaatillugu meeraq/inuusuttuaraq nakkutigisassaq sutigut pisariaqartitsinersoq.

Ilinniakkatigut piumasaqaatit 

Miljøarbejderitut atorfinittussaq ilinniakkatigut inunnik isumaginninnermi peqqissaanermilluunniit ilinniagalik, imaluunniit perorsaasutut ilinniagalik  kissaatigineqarpoq, toqqaannartumilli piumasaqaataanani, inuk allamik ilinniagalik inunnillu isumaginninnermik sulinermik misilittagalik aamma atorfimmut piukkunnaateqarsinnaavoq.

Akissarsiaqarneq atorfinitsitaanerlu 

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Atorfimmut atatillugu inissaqartitsisoqanngilaq.

Pisortatigoortumik pinerlussimannginnermut uppernarsaat (Straffeattest) meeqqanillu pinerliisimannginnermut uppersarsaat (Børneattest)  naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinut sulisitsisumiit aaneqassapput.

Atorfik pillugu annertunerusumik paasisaqarusukkuit Inunnik Isumaginnittoqarfimmi aqutsisoq Sejer Kleemann attavigisinnaavat Tlf.: 96 48 04 imaluunnit e-mail: sekl@qaasuitsup.gl

Qinnuteqarfissaq kingulleq 

Qinnuteqaat ilinniarsimaneq suliffigisimasallu pillugit paasissutissat, ilinniarsimanermut up-pernarsaat il.il. ilanngullugit Sulisoqarnermut Immikkoortortaqarfimmut kingusinnerpaamik 27. februar 2017  tunniunneqareersimassapput

Qinnuteqaat uunga nassiunneqassaaq 

Qaasuitsup Kommunia

Sulisoqarnermut immikkoortortaqarfik

Postboks 1023

3952 Ilulissat

Imaluunnit e-mail: hr@qaasuitsup.gl