Pedel

Qaasuitsup Kommuniani Ilulissani kommunip allaffiani pedel-imik 1. april 2017 imaluunniit isumaqatigiissuteqarnikkut sulilersussamik sulisussarsiorpoq.

Pedel-ip qaninnertut qullersarissavaa Allattoqarfimmi pisortaq.
Qinnuteqarfissaq:
23. marts 2017
Sumi:
Ilulissat
Akissarsiat:
Isumaqatigiissut malillugu

Suliassat akisussaaffiillu 

  • Allakkat ullormut marloriarlugit aaneqartassapput.
  • Ullaakkut ualikkut nivinngartuineq.
  • Allakkat anisussat naqiterneqartassapput.
  • Equutissat aammalu allarutissiat aammalu qaqorsaatit taarsersorneqartassapput.
  • Pisiniarnerit allaffimmioq peqatigalugu ingerlanneqartassapput.
  • Kiassaatinik ukiukkut silaannaarsuineq ullut tamaasa.
  • Allaffiit iluini pisattat nutsigassat aammalu assilissat allallu ikkussugassat suliarineri.
  • Gangit aammalu ilisiviit torersuutinnissaat isumagalugu.
  • Kommunip allaffiani suliassat assigiinngitsut aammalu sullissivimmi suliarineqartassapput.
  • Suliassat ataasiakkaat uani allanneqanngitsut suliakkiutigineqartut suliarineqartassapput.

Piginnaaneqarfiit 

  • Biilernermut allagartaqarneq
  • Suliassat assarsornikkut ilisimaarinissaat.
  • Ilinniarsimasuunissaq assassornikkut ilinniakkamik, imaluunniit sivisuumik assassornikkut suliffinnik sulisartuusimanissaq.
  • Suliassanut tunniusimasoq.
  • Sullissilluarsinnaaneq.
  • Suleqatikkuminartoq.
  • Piffissaq eqqorlugu sulisinnaaneq.

Akissarsiat kiisalu atorfininnermi piumasaqaatit 

Atorfininnermi akissarsiassat atorfininnermilu piumasaqaatit atuuttut tassaassapput, Naalakkersuisut, Finansministeriap aamma Sulinermik Inuussutissarsiuteqartut Kattuffiata akornanni  kiassaatilerisut, atuarfinni suliffeqarfinnilu kiisalu inissiarsuarni nakkutilliisut  pillugit isumaqatigiissut.

Atorfinnut tunngatillugu inissaqartitsisoqanngilaq.

Attavigineqarsinnaasoq:

Atorfimmut tunngatillugu apeqqutissaqaruit Allattoqarfimmi pisortamut Karl Jørgen Geisler-imut oqarasuaat 94 78 10 imaluunniit email-ikkut uunga kage@qaasuitsup.gl attavigisinnaavat.

Qinnuteqarfissaq kingulleq 

Qinnuteqaat ilinniagaqarsimanermut  kiisalu siornatigut suliffigisimasamut paasissutissanik ilaqartillugu Sulisoqarnermut Immikkoortortaqarfimmut kingusinnerpaamik nassiunneqarsimassaaq 23. marts 2017 

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

hr@qaasuitsup.gl