Ilulissani Teknikerissarsiorpugut

Teknikerimik 18. april 2017-imi isumaqatigiissuteqarnikkulluunniit atorfinittussamik Qaasuitsup Kommuniani pissarsiorpugut.
Qinnuteqarfissaq:
6. april 2017
Sumi:
Ilulissat
Akissarsiat:
Isumaqatigiissut malillugu

Qaasuitsup Kommunia Ilulissani Teknikerissarsiorpoq 

Ilulissani nunaqarfinnilu attuumassuteqartuni Sanaartornermut Avatangiisinullu Ingerlatsivimmi ulluinnarni ingerlatsinermi sanaartornermilu suliassanik, Qaasuitsup Kommuniani immikkoortortaqarfiit allat suleqatigalugit suliaqartussamik teknikerimik pissarsiorpugut. Atorfik 18. april 2017 isumaqatigiissuteqarnerluunniit naapertorlugu inuttalerneqassasoq kissaatigineqarpoq.

Piginnaasassatut kissaatigisat 

Pitsaasunik suliassanut piginnaasaqartunikk aamma sanaartornermi ingeniørisut / illunik ilusilersuisartutut / tekniikerisusut assingusumilluunniit ilinniagaqarsimasunik qinnuteqartoqarnissaa kissaatigaarput, soorlu

  • Sanaartorneq aamma nunaminertanik atugassiisarneq pillugu inatsisinik suliaqarnermik misilittagaqartumik
  • Sanaartukkanik minnerusunik sanaartukkanillu suliassanik suliaqarsinnaasumik
  • Sanaartukkanik nakkutilliinermik misilittagaqartumik
  • Suliniutinik aamma aningaasanik aqutsinermik misilittagaqartumik
  • Piumasaqaateqarfiusumi taamaattorli persuarsiorfiunngitsumi pitsaasumik sulinermik atugaqarfiusumut ilaasinnaasumik, suliatigut ineriartornissamut pitsaasunik periarfissaqartumi
  • Qiimasumik aammalu angusarissaarumassuseqartumik

Ilinniagaqarnerit naammasseqqammersimagukku, atorfimmut qinnuteqarnissat ilinnut kaammattuutigissavarput.

Atorfimmut pitsaasumik sukumiisuusumillu isertinneqarnissat isumagissavarput, taamaalillutit suliassannut nutaanut naafferaartumik iseriartuaarniassagavit.

Aaqqissuussaaffik akimorlugu suleqatanissannut piumassuseqarnissat pingaartuuvoq, minnerunngitsumik marloqiusamik kultureqarfiusumi, piginnaasat inuttut piginnaassuseqarnertuulli pingaartinneqarfigisaanni,  suleqataanissamut piumassuseqassaatit.

Akissarsiat atorfininnerlu 

Atorfinitsinneqarneq akissarsiallu, kattuffinnut isumaqatigiissutit atuuttut malillugit pissapput.

Atorfimmut atatillugu inissaqartitsisoqarsinnaavoq, soorluttaaq atorfininnermi soraarnermilu angalasoqartitsisinnaasoq aammalu pequtit nuunneri maleruagassat atuuttut malillugit pisinnaasut.

Atofik pillugu paasissutissat sukumiinerusut Qaasuitsup Kommuniani Teknikkeqarfimmi Direktøri-ugallartumut Søren Lindenhann-imut saaffiginninnikkut pissarsiarineqarsinnaapput, uani oqarasuaat: +299 94 77 51, imaluunniit qarasaasiakkut allakkatigut uunga soli@qaasuitsup.gl

Qinnuteqarfissaq kingulleq 

Qinnuteqaat imminut ilisaritinnermik ilaqartoq aammalu soraarummeersimanermut uppernarsaatinik sulisitsisorisimasaniillu oqaaseqaatinik ilaqartoq nassiunneqassaaq kingusinnerpaamik 6. april 2017

Qinnuteqaat uunga nassiunneqassaaq 

Sulisoqarnermut Immikkoortortaq

Postboks 1023

3952 Ilulissat

imaluunniit e-mailikkut: hr@qaasuitsup.gl