Tasiusami aalisakkanik tunisassiorfik

Tasiusami immikkoortortaq 1605-D02 –imi aalisakkeriviliornissamut pilersinniakkamut siunnersuutip tiguneqartup nalunaarutigineqarnera.
Nalunaarutiginninneq pissaaq piffisami 24.01.2017 –miit 07.03.2017 -mut.

Pilersinniakkamut ilanngunneqarput:
Tunisassiorfissaq aalisakkeriviup illutassaa 560m2 –itut portutigisoq 5,7 meterit missaani, 3,15 meterit aallartittumik portunerpaaffilik.
Nunaminertaq tunisassiorfiup eqqaani soorlu truckerfissaq 4 meterisut silissusilik.
Nutaamik talittarfittaarnissamut usingiaanermi kraniliinissamut periarfissiinertalik.
24. januar 2017

Nalunaarutiginninneq Inatsisartut inatsisaat nr. 34, 9 december 2015 –meersoq naapertorlugu suliarineqarpoq, tamannalu tunngaviusumik pilersaarusiorneq aallartitsinnagu immikkoortortap ilaanut atuinissamik Kommunalbestyrelsimut periarfissiivoq.

 

Suliniuteqarfissatut allat periarfissaasinnaasut:

Nalunaarutiginninnerup nalaani illit innuttaasutut aamma inuussutissarsiuteqartutut immikkoortortap ilaanut suliniuteqarnissamut allatut ittumik siunnersuummik nassiussaqarsinnaavutit soorlu aamma nalunaarutitut saqqummiunneqartumut aamma oqaaseqaateqarsinnaasutit.

Suliniuteqarnissamut siunnersuutit eqqarsaatigalugit nunaminertamik tunniussisoqartinnagu suliniuteqarnissamut siunnersuutit kiisalu oqaaseqaatit tiguneqarsimasut Kommunalbestyrelsimit suliarineqassapput. Tamatuma kingorna kommunimut pilersaarummut tapiliussaq suliarineqassaaq.

 

Suliniuteqarnissamut siunnersuutaasinnaasut allat makkuninnga imaqassapput:

1. Sanaartorfissap inissiffianut, isikkuanut aamma sanaartornermi atortunut nassuiaasumik titartarlugu siunnersuuut.

2. Atorneqarnissaanut paasissutissat

3. Teknikkikkut atortunut paasissutissat.

4. Aningaasaqarnikkut paasissutissat qinnutigineqartup pivisunngortinnissaanut uppernarsaat.

 

Piffissamut - aamma suliaqarnissaanut pilersaarutit:

Ulloq 24.01.17: nal. 16:00 immikkoortortap ilaanut suliniuteqarnissamut siunnersuutit nassiussuunneqalissapput.

07.03.16: nal. 16:00-ip tungaanut suliniuteqarnissamut siunnersuutinik tigooqqaaneq unissaaq.

 

Ilitsersuut:

Siunnersorneqarneq aamma ilitsersorneqarneq Pilersaarusiornermut immikkoortortaqarfimmut saaffiginninnikkut pissarsiarineqarsinnaapput oqarasuaat: 947800 imaluunniit qarasaasiakkut allalluni uunga: plan@qaasuitsup.gl.