Ilulissat avannaani illoqarfiup ineriartortinnissaanut immikkoortoq nutaaq Kommunep pilersaarutaanut tapiliussaq nr. 32-mut siunnersuutit, tamanut pisortatigoortumik tusarniutaasussatut saqqummiunneqassapput piffissami 12.01.17-miit 10.03.2017-mut.

13. januar 2017

Kommunimi pilersaarummut tapiliussap siunertaa:

Kommunip pilersaarutaanut tapiliussap pingaarnertut siunertaraa immikkoortortanik sisamanik nutaanik atugassiinissaq, taakkunannga pingasut inuussutissarsiorfeqarfiussallutik inuussutissarsiutitut siunertanut toqqorseqarfinnullu kiisalu qitiusoqarfittut siunertanut assigiinngitsunut qitiusoqarfimmik atorneqarsinnaasunik. Taamatuttaaq pilersaarutip siunertaanut ilaavoq, imersuup kujataani inissiaqarfik piusoq aggulussallugu, taamaalioirnikkut Mittarfimmut Aqqutaata tungaani nunaminertani qitiusoqarfittut atuuffinnik pilersitsisinnaaneq periarfissinneqassalluni. Taamaalilluni Kommunip pilersaarutaanut tapiliussaq una atorlugu, Ilulissat avannaani immikkoortortanut arfiniilinnut pingaarnertut aalajangersakkat nutaat aalajangersarneqarput.

Kommmunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

Tusarniaanermi akissuteqaatit kommunimut toqqaannartumik kommunimi pilersaarutip nittartagaa atorlugu nassiussinnaavat. Aamma tassani ilanngussassatit kakkiussinnaavatit. Aamma illit akissuteqaatit najukkanni Sullissivimmut imalunniit Kommunimut nassiussinnaavat.

Tamanut tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 10.03.2017.

SIUNNERSUUT