Tusarniaaneq: Sumiiffiit eriagisassatut nalunaarsukkat C01 aamma D04, Ilimanaq

Kommunip pilersaarutaata tapiatut nr. 33-tut siunnersuut Ilimanami nunaminertat eriagineqartunut nutaanut tunngasoq matumuuna tamanut tusarniutigineqarpoq.
24. januar 2017

Kommunip pilersaarutaata tapiata siunertaa unaavoq:
Nunaminertat eriagineqartut C01 aamma D04 aalajangersaaffigineqarneri, nutaamik talittarfiliornissaq periarfissarsiuutissallugu, nunaqarfimmut tikeraat anerasaartarfissaannut atugassmaik nunaminertamik immikkoortitsinissaq, kuup C01-imiittup kuunnerata allakkoortinnissaanut periarfissiuunneqassaaq, C01-imi aamma D04-imi aqquserngit tallineqarnissaanik periarfissiuussinissat, nunaminertap B-814-imik sanaartorfiusup nalaata allilerneqarnera, taamaalilluni tigooqqaavik allilerneqarsinnaasunngortillugu periarfissiuunneqassaaq.

Suliniummut akerliliissutissaqaruit, taakku nassiussinnaavatit uunga:
Qaasuitsup Kommunia, Pilersaarusiornermut immikkoortortaq, Kommunip allaffia, Postboks 1023, 3952 Ilulissat
plan@qaasuitsup.gl
imaluunniit najukkanni Sullissivimmut saaffiginnissinnaavutit piffissami uani 24.01.2017 – 07.03.2017.

Akerliliissutissaqaruit/akerliliissutissaqarussi imaluunniit tusarniaanermut oqaaseqaatissaqarlutit/si, taanna kingusinnerpaamik ulloq 07.03-2017-imi kommunimit tiguneqareersimassaaq.

SIUNNERSUUT pdf