Tusagassiutinut nalunaarut

Qaasuitsup Kommuniata Annaassiniartartutut Upalungaarsimasuinit nalunaarut

Qaasuitsup Kommuniata iluani piffinni arlalinni ullut kingulliit aperujussuaqattaarpoq, portunersaniillu aputip sisoornissaanut aarlerinaateqalersinnaallunilu aqqusernit apusinnerujussuartarsinnaallutik.

Qaasuitsup Kommuniata Annaassiniartartutut Upalungaarsimasuinit aputip sisooratarsinnaaneranut aarlerinaateqarsinnaanera ilisimatitsissutigineqassaaq, taamatullu pisoqassappat annaasiniartartut ajutoorfimmut orniguttariaqalissappata ikiortissat ajutoorfiusumut anngunnissaannut piffissaq nalinginnaasumit sivisuanerusinnaammat.

Taamaattumik Qaasuitsup Kommuniani innuttaasut inassuteqarfigissavagut pissutsit taamaannerat eqqumaffigeqqullugu aammalu silami angalaassatillugit mianersorneroqqullugit.
20. januar 2017