Kommunip pilersaarutaanut tapiliussamik nr. 23-mik tamanut saqqummiussineq, taanna immikkoortortanut A02-mut, A03-mut, A04-mut aamma C03-mut Upernavimmi inissisimasunut tunngasuuvoq.

Immikkoortortanut UPV 1600-A02-mut, A03-mut, A04-mut aamma C03-mut Upernavimmi inissisimasunut, kommunip pilersaarutaanut tapiliussaq nr. 23, inaarutaasumik akuersissutigineqarpoq ulloq 17.02.2017-imi. Kommunip pilersaarutaanut tapilkiussaq tamanut saqqummiunneqarpoq ulloq 22.02.2017-imi, ullorlu taanna aallarnerfigalugu kommunip pilersaarutaanut tapiliussaq inatsisitigut atuuttunngortinneqarpoq.
23. februar 2017

Kommunip pilersaarutaanut tapiliussap siunertaa:
Immikkoortortamut pingaarnertut aamma immikkut ittumik aalajangersakkat aalajangersaaffiginissaat, Upernavimmi sanaartorfissat atugassiissutigiumallugit.

Immikkoortortani pioreersuni sisamani sanaartorfissat atugassiissutiginissaat kommunip pilersaarutaanut tapiliussap pingaarnertut siunertaraa. Sanaartorfissat 14-it atugassiissutigineqarput. Sanaartorfissatut atugassiissutigineqartuni inissianik sanaartornissamut atatillugu immikkoortortanut tamanut pingaarnertut aalajangersakkat aamma immikkut ittumik aalajangersakkat sukkulluunniit ilaatinneqartussaapput.

Kommunip pilersaarutaanut tapiliussaq sapaatip akunnerini arfineq-pingasunit tusarniutigineqarnikuuvoq, tamatumanilu innuuttaasut, suliffeqarfiit il.il. akerliliissutinik, oqaaseqaatinik aamma allannguutissatut siunnersuutinik saqqummiussinissamut periarfissaqarnikuupput.

Sanaartorfissat atorneqanngitsut
Matumuuna ilanngullugu saqqummiunneqassaaq, sanaartorfissanut atorneqanngitsunut nunaminertamik atugassinneqarnissamik qinnuteqartoqarsinnaammat.

Sanaartorfissaq 3-5 pisortat siunertaannut atugassiissutigineqassaaq tamaattumik tassunga qinnueqartoqarsinnaanngilaq.

Nunaminertaq sanaartorfiusinnaasoq sanaartorfigineqanngitsorli nunaminertamik atuisinnaanermut qinnuteqarfigisinnaavat NunaGIS aqqutigalugu aamma kommunip nittartagaa aqqutigalugu qinnuteqarluni immersugassaq aasinnarlugu immersorneqassaaq, uaniittoq: http://www.qaasuitsup.gl. Inummit imaluunniit suliffeqarfimmit ataatsimit qinnuteqaat ataasiinnaq immersoqqusaavoq, inuttut ataasiinnartut allassimasussaq aamma inatsisit malillugit ataasiinnarmik atuarneqarsinnaassaaq. Qinnuteqaatit tamarmik pappiliartaat nassiunneqartut aallaavigalugit nalilersorneqarumaarput. Nunaminertaq sanaartorfissaq qinnuteqartunit arlalinnit assigiimmik akuersivigineqarsinnaatillugu kommuni akuersissummik tunniussisinnaajumalluni makitsisariaqassaaq.

Qinnuteqaatit tamarmik makkunannga imaqassapput:

1. Sanaartugassap ilusissaatut siunnersuut, sanaartukkap inissisimaffissaanik, isikkussaanik atortullu suut atorlugit sananeqarnissaanik nassuiaatitalik.

2. Sanaartukkap sumut atorneqarnissaanik paasissutissat.

3. Teknikkikkut atortut ikkusuunneqartussat pillugit paasissutissat.

4. Aningaasaqarneq pillugu paasissutissat, qinnuteqaatip piviusunngortitsisinnaaneranik uppernarsaatitut atorneqartoq.

Piffissaliussat aamma suliat pilersaarutaat:

23.02.17: Nalunaaqutaq 08:00-miit sanaartorfissani nunaminertamik atuisinnaanermik qinnuteqaatit nassiunneqarsinnaapput.

16.03.17: Nalunaaqutaq 16:00 nunaminertamik atuisinnaanermik qinnuteqaatit tigooqqarneri siullermeertumik matussapput.

Tamatuma kingorna sanaartorfissaq suli sanaartorfigineqarsimassanngippat nunaminertamik atuisinnaanermut qinnuteqaatit qaqugukkulluunniit qinnutigineqarsinnaapput.

Qinnuteqaat kommunip nittartagaani uani takuneqarsinnaavoq www.qaasuitsup.gl imaluunnit kommunimi pilersaarutip nittartagaani uani http://qaasuitsup.kommuneplania.gl/gl/tusarniaanermut_-_kommunimut_pilersaarutip_tapia.htm