Jens Inuusugtoq toqukkut qimagunnerani Qaasuitsup Kommuniata eqqaanitai 

Nunatsinni inuiaqatigiinnik, avannaani nunaqarfiinilu sullissilluarsimasoq, kommunini tamaginnit ilisarisimaneqartoq, Jens Inuusugtoq, ataasinngorneq 27. Marts 2017-imi Aasiaat napparsimaviani toqukkut qimaguppoq.
30. marts 2017

Jens Inuusugtoq ilisimaaraarput, 1979-imiit 2005-mut qinikkatut sulinerani.

1989-imiit 1993-imut Kangaatsiami borgmesteriuvoq, qinigaaffimminilu 1981-imiit 2005-nip tungaanut Ligningskommissionimi ilaasortatut kiisalu piffissap ilaani siulittaasutut sulisimalluni. Taassumalu saniatigut Kommunit kattuffianni KANUKOKA-mi aallartitatut suleqataasimavoq.

Jens Inuusugtup sulinermini siunnersuillaqqittutut sulisunullu ataqqinnittutut ilisimaarineqarpoq, inuttullu naapikkuminartuulluni.

Qaasuitsup Kommunia sinnerlugu qimagaasunut, ilaqutaasunut, nunaqqatigiinnullu misiginneqatiginninnerput, ingerlateqqippara, qujallunga innuttaasunik sullissisineranut.

Jens Inuusugtup aqqa ataqqinartuuli.

Ole Dorph
Borgmester
Qaasuitsup Kommunia