Kangaatsiamiit Uummannaq ilanngullugu nannuttassat pisassiissutit nungunneqarput

Pisassiivimmi Kangaatsiamiit Uummannaq ilanngullugu nannuttassat 12-t tamarmik pisarineqarsimalerput.

Ulloq 04. April 2017 aallarnerfigalugu pisassiivimmi Kangaatsiaq – Uummannaq nannunniarneq unitsinneqarpoq, pisassiissutit tamarmik pisarineqarneri peqqutigalugu.

Nalunaarutip uuma kingorna pisassiivimmi pineqartumi pisaqarneq unioqqutitsinertut isigineqassaaq.

QAASUITSUP KOMMUNIA AASIAAT
INUUSSUTISSARSIORNEQ PILLUGU ALLAFFIK
Niels Egedes Plads 1
3950 Aasiaat
4. april 2017