Kommunit atissaanik ilisarnaatissaanillu UNAMMISITSINERMUT peqataagit

Akissarsiassat: 4 x KR. 15.000,-
6. april 2017

Ko m m u n e 1
Ilulissat, Uummannaq, Upernavik, Qaanaaq

K o m m u n e 2
Kangaatsiaq, Aasiaat, Qasigiannguit, Qeqertarsuaq

TAAGUUTISSAQ pillugu
Taaguutissaq kommunemi nunap immikkoortuani pinngortitap nunallu pissusiinut aammalu oqaluttuarisaanikkut kulturikkullu taasassartaanut attuumassuteqassaaq, taajuminartuulluni kommunellu avammut takutinneqarneranut iluaqutaasinnaassalluni.

ILISARNAATISSAQ pillugu
Ilisarnaat paasiuminartuussaaq ilisariuminartumillu assiliartaqassalluni, ikinnerpaanillu qalipaasersugaassalluni, makku qalipaatit* arlaat atorneqassapput aappaluttoq, tungujortoq, qernertoq, qorsuk, sungaartoq kiisalu qaqortoq.

KIKKUT PEQATAASINNAAPPAT?
Peqataasinnaassaguit kommunimi nutaami pineqartumi najugaqassaatit.

AJUGAASUNUT AKISSARSIASSAT
1. Taaguummik ajugaasumut, Kommune 1 Kr. 15.000,-
2. Taaguummik ajugaasumut, Kommune 2 Kr. 15.000,-
3. Ilisarnaammullu ajugaasumut, Kommune 1 Kr. 15.000,-
4. Ilisarnaammullu ajugaasumut, Kommune 2 Kr. 15.000,-

Kommune piginnittussanngussaaq ajugaasup siunnersuutaa atulerniariaruniuk.

NALILIINISSAQ pillugu
Ikaarsaariarnermut ataatsimiitsitaliaq naliliisussanik toqqassaaq inunnik oqaatsinik assilissanillu naliliinissamut pikkorissunik. Taakku siunnersuutaat Ikaarsariarnermut ataatsimiitsitaliamut tunniunneqassapput, ajugaasumillu ataatsimiitsitaliaq toqqaassalluni.

SIUNNERSUUTINIK TUNNIUSSIFFISSAQ KINGULLEQ
1. maj 2017

Siunnersuut allakkat puuanut matoqqasumut ikillugu nassiussinnaavat (imaluunniit mailikkut) ilisarnaaserlugu UNAMMINEQ, uunga:
Qaasuitsup Kommunia
Paasissutissiisarnermut immikkoortortaq
Postboks 1023 – 3952 Ilulissat
E-mail: info@qaasuitsup.gl