Borgmesterit qanimut suleqatigiinniarput

Innuttaasunik sullissineq pisariinnerpaaq anguniarlugu eqaatsumik pisariittumillu allattoqarfeqarusuppugut.
25. april 2017

Taama oqariartuuteqarput Qaasuitsup kommuniani avittussami borgmesterinngortussat Palle Jerimiassen, Siumut aamma Ane Hansen, Inuit Ataqatigiit. 20/04-2017 Ilulissani Qaasuitsup kommuniata avinnissaa pillugu pisortat suleqatigiisitaliallu isumasioqatigiinneranni borgmesterinngortussat marluk peqataapput.

Pingaaruteqarpoq Qaasuitsup kommuniata marlunngorlugu avinnissaata pitsaasumik naammassinissaa, tamannalu anguniarlugu borgmesteringortussat qanittumik suleqatigiinniarlutik isumaqatigiipput. Uangutsinnut pingaaruteqartorujussuuvoq innuttaasunik sullissinerup malunnaatilimmik pitsangoriateqarluni kommunit nutaat marluk aallartilluassasut. Tamatuma saniatigut borgmesterinngortussat isumaqarput inuutissarsiornikkut piorsaanermi suleqatigiissutissaqarlutik, aalisarneq takornariartitsineq angallassineq allallu eqqarsaatigalugit.

Qaasuitsup kommuniata pitsaaasumik angusaqarfiulluni avinneqarnissaanut qanittumik kommunalbestyrelsinngorumartussat marluk peqatigalugit suleqatigiilluassallutik siuniuppaat.

Inussiarnersumik inuulluaqqusilluta

Palle Jerimiassen, Siumut aamma Ane Hansen Inuit Ataqatigiit