Ilulissat avannaanni immikkoortortanut A32-mut, B11-mut, B12-imut, B13-imut, C23-mut aamma C24-mut kommunip pilersaarutaanut tapiliussamik nr. 32-imik tamanut nalunaaruteqarneq

Ilulissat avannaanni inuussutissarsiorfeqarfinnik pingasunik, qitiusoqarfinnik marlunnik aamma inissiaqarfimmik ataatsimik atugassiissuteqarneq.
26. april 2017

Ilulissat avannaanni immikkoortortanut A32-mut, B11-mut, B12-imut, B13-imut, C23-mut aamma C24-mut kommunip pilersaarutaanut tapiliussamik nr. 32-imik tamanut nalunaaruteqarneq.

Kommunip pilersaarutaanut tapiliussaq nr. 32 inaarutaasumik ulloq 03.04.2017-imi akuersissutigineqarpoq. Kommunip pilersaarutaanut tapiliussaq ulloq 26.04.2017-imi tamanut nalunaarutigineqarpoq, kommunip pilersaarutaanut tapiliussaq taamaalilluni ullormit tassannga inatsisitigut atuuttunngortinneqarpoq.

Kommunip pilersaarutaanut tapiliussap siunertaa:
Immikkoortortanut arfinilinnut pingaarnertut aalajangersakkanik aalajangersaaneq, taamaaliornikkut inissiaqarfittut- inuussutissarsiorfeqarfittut- aamma qitiusoqarfittut siunertanut atugassiissuteqarsinnaaneq periarfissikkumallugu. 

Kommunip pilersaarutaanut tapiliussaq sapaatit akunnerini arfineq-pingasuni tamanut tusarniutigineqarnikuuvoq, tamatuma ingerlanerani innuttaasut, suliffeqarfiit il.il. akerliliissutinik, oqaaseqaatinik allannguutissatullu siunnersuutinik saqqummiussisinnaasimapput.

Siunnersuut kommunip nittartagaani uani takuneqarsinnaavoq www.qaasuitsup.gl imaluunniit kommunimi pilersaarutip nittartagaani uani http://www.qaasuitsup.kommuneplania.gl/gl/tusarniaanermut_-_kommunimut_pilersaarutip_tapia.htm.

KPT32.pdf