Qasigiannguit: TIMIGISSARNEQ & KULTURI ”KULUNNGUAQ t/r 1734”

”Kulunnguaq”-mik oqaluttuaq malillugu timersornikkut kulturikkullu aaqqissuussaq peqataaffigiuk takisuumut arpannertalik KULUNNGUAQ t/r 1734.
Piffissaq: Maj – august 2017
8. maj 2017

Atuakkiarineqarsimasup  imarisaaniittumi Inuttaasoq pingaarnersap atia qitiutinneqarpoq Qasigiannguani timersornerup- aammalu kultur-ikkut pilersaarusiami.

Maj-imiit August-imut Qasigiannguani innuttaasut peqataaffigisinnaavaat malinnaaffigalugillu timersorneq kultur-ilu qanga ullutsinnilu katipitat paarlakaattullu.

Qulequtaritinneqartoq  ”Kulunnguaq t/r 1734” ingerlanneqartussaq neqerooruteqartuuvoq sungiusarnernik, unammiuaarnernik kultur-ikkullu misigisaqarsinnaanissamik. Pilersaarutigineqaroq taajuuserneqarnikuuvoq

Otto Rosing-ip atuakkiaani  inuttarisaa Kulunnguaq atuakkiap aterisaaneersuuvoq. Atuakkiap 1700-kkunni Qasigiannguit eqqaanilu pisimasuusimasup imarivaa arnaq inuusuttunnguaq Kulunnguaq, nunaqqatiminiit malersorneqarluni pisimasumiit. Aalajangersimavoq meerannguani Inequnaat amaarlugu niuertoruseqarfimmut tunngavilerneqaqqammersumut K´asigiánguanut qimaassalluni. Kulunnguaq Nuup qeqertaqarfiisa missaaniit nunakkut, sineriak atuarlugu Illukumut, niuertoqarfinngoqqammersumut, qimaasimavoq.

Kultur-ikkut pilersaarusiaq ataatsimut isigalugu makkunannga imaqarpoq, arpalluni unamminerit, pisunnerit, timigissartarfimmi timigissarnerit, pisissaarnerit, qajartornerit inuillu pinnguaataarneq.

Pisut ingerlanerata qeqqata missaani kultur-ikkut sapaatip akunneqartitsisoqassaaq 24.-29.juli 2017 ulluinnarni meeqqanut inersimasunullu sammisassaqartitsisoqartassalluni.

 Meeqqanut paarlakaattunik neqerooruteqartoqassaaq ualikkut, orienteringsløb-inik oqaluttuarisaanermilu timersuutitoqqanittaaq  imaqartunik Qasigiannguit Katersugaasiviata qanittuini.

Sapaatip akunnerata ingerlanerani, inersimasunut unnukkuini Tasersuup sinaani assigiinngitsunik susassaqartitsisoqartassaaq, illoqarfimmiunut. Naatsunik arpanneq, qajartorneq, pisissaarnerit inuillu pinnguaataarnerit aammattaaq tupersuaqarumaarpoq guitar-iinnaallu atorlugit nipilersortoqartarumaarluni.

Sapaatip akunnera taanna, takisuumik arpannertassaa ”Kulunnguaq t/r 1734” arpaffigineqartussaq Kulunnguup qimaanermini Assassakkaaq-miit Qasigiannguanut s/u aqqutigisimasaa atorneqartussaq pingaarnersarissavaa arfininngornermi 29. juli. Aqqutigineqartussaq arpalluni 17 km –imik isorartussuseqassaaq arpaffigineqartussallu katinnerani 34 km takissuseriumaarlugu. 1734 tassaavoq Qasigiannguit tunngavilerneqarfia ukioq. Arpanneq aallartinneqassaaq naaneqassallunilu Tasersuup sinaani, suliniutip Nunaqarfik Uumassusillip arpannerup ingerlanerani takutittarumaarpaa aasarsiorfigineqartumi ulluinnarni inooriaaserineqarsimasoq, atuakkiami pineqartumi imaritinneqartut. Arpanneq naggaserneqarumaarpoq Qasigiannguit Timersortarfianni annertunerusumik tusarnaartitsinertalimmik.

Aaqqissuisut neriuuteqarput pilersaarusiarineqartoq tamakkiisumik nuannaarutaasinnaajumaartoq innuttaasuniit aammalu avataaniit takkuttussaniit taamatuttaaq aaqqissuussat takisuumillu arpannertaasoq ukiut tamaasaartutut uteqqiattunngorumaartoq pisartuusussaq Qasigiannguani.

Paasisaqarnerorusukkuit saaffigikkit: Qasigiannguit Timersortarfiat & Qasigiannguit Museum 

program.pdf