Kommunalbestyrelse nutaaq pisariitsumik sapinngisamillu innuttaasunut qanittumik suleriaseqarniarpoq

Taama paasisarialimmik suleqatigiittussat Inuit Ataqatigiit Siumullu Qaasuitsup Kommuniani Ikarsaariarnermut Ataatsimiisitaliaq kujallermi inissitsiterluni ataatsimeeqqarnermi oqariartuuteqarput.
18. maj 2017

Borgmesterinngortussaq Ane Hansen siulittaasutut toqqarneqarnermi kingorna ilaatigut ima oqalugiammini oqariartuuteqarpoq:

”Kommunissatsinni allaffissornikkut aqutsinermi nutaaliorniarpugut , kalaalisut  naleqartitatsinnut kulturitsinnullu tulluarsakkamik pisariittumik  ingerlatsiniarpugut ineriartortitsillutalu.  Kommunit allaffii sapinngisamik pisariittumik aqunneqassapput  innuttasunut saaffigiuminarlutik  qanilartuullutillu sullissilissallutik.

Kommunissatsinni aqutsinermi nutaaliorneq qallunaat europamiullu periusaanik ilaarsiinnarnerungitsoq pilersinniarparput, siunertaraarput ullumi inuunitsinnut silarsuarmioqataanitsinnullu naleqqussarluta ingerlatsissalluta nunatta namminersulivikkiartorneranut taperlaalluarluta,  nunattalu sinneranut maligassiueqataarusulluta allaffissornermi pisariitsumik innuttaasunullu qanilartumik sullissiniarluta.”

Ikaarsaariarnermut Ataatsimiisitaliami siulittaasunngortup aamma oqaatigaa kommune inuutissarsiornermi suliffeqarfinni namminersortunik pisortallu suliffeqarfiutaanik  qanimut suleqateqassasoq aammalu kommunip inuutissarsiortunik inerisaavigissallugu orniginartuunissaa siunertaasoq. 

Aningaasarsiornermi naleqartitatut Aalisarneq piniarnerlu naalakkersuinikkut suliallit qanimut suleqatigalugit piorsaaviginiarpaat. Tunisassiorneq imminullu pilersorneq aamma annertusarniarlugu.

Takornariartitsinerup aatsitassarsiornermilu suliniutit saniatigut kommunip ilisimatusarnermi suliaqarfigissallugu orniginartuunissaa aamma ilangullugu suliariniarpaat.

Ikarsariarnermut Ataatsimiisitaliami siulittaasunnorpoq: Ane Hansen, Inuit Ataqatigiit.

Siulittaasup tulia: Otto Jeremiassen, Kangaatsiaq.

Siulittasup tulliata aappa: Hans Aronsen, Kangaatsiaq.

Ane Hansen (Inuit Ataqatigiit) Ikaarsaariarnermi Ataatsimiitsitaliami siulittaasup oqalugiaataa.pdf 
FV. Aqqa Samuelsen, Kristian Jeremiassen, Hans Aronsen, Thomas Petersen, Timooq Mølgaard, Niels Kristensen, Ane Hansen, Otto Jeremiassen, Kristian Broberg, Naja Petersen, Peter Olsen, Hector Lennert Sørensen, Jess Svane. Assimi ilaanngillat/ Ikke med på billedet: Enok Sandgreen & Nikolaj Jeremiassen.