Kalaallit nunaanni uumasut nakorsaqarfia inuussutissalerinermullu oqartussaqarfik ilulissani innuttaasunik ataatsimiititsinissamut aggersaavoq

Majoriaq. Sisamanngorneq 18. Maj 2017 nal. 19.00-imit 21.00-imut.
18. maj 2017
Kalaallit Nunaanni Uumasut Nakorsaqarfiani Inuussutissalerinermullu Oqartussaqarfimmi sulisut qimminik kapuuisartut sulisullu ilinniartikkiartorlugit Ilulissaniipput.  Tassunga atatillugu innuttaasunut paasissutissiinissaq siunertaralugu inuttaasut ataatsimiinnissamut aggersarpagut.

Ataatsimiinnermi Qimuttunut inatsisip kingullermik allanngortinnera sammineqassaaq, inatsimmi nutaaq aqqutigalugu nappaataatit tunillaassuuttartut marluk tassalu qimmit nappaataat aamma parvovirus akiorniarlugit qimuttut illersuutinik akeqanngitsumik kapitissimanissaat piumasaqaataalerpoq.

Tamatuma saniatigut uumasut nakorsaat uumasunik atugarissaartitsinermut aammalu nalinginnaasumik qimmiuteqarneq pillugu saqqummiissaaq.

Qimmiuteqarnermut tunngasunik soqutigisaqartut tamarmik tikilluaqqusaangaarput ataatsimiinnerlu naammassippat uumasut nakorsaanut apeqquteqarsinnaanissamut periarfissaqassaaq. 

PIFFISSAQ: Sisamanngorneq 18. Maj 2017 nal. 19.00-imit 21.00-imut
SUMIIFFISSAA: Majoriaq

Takkuttunut kaffillertoqarlunilu kaageerallertoqassaaq.